ជាងផ្សារដែកគ្រោងដំបូលផ្ទះ ឆក់ខ្សែភ្លើងជាប់និងដំបូលផ្ទះបណ្តាលឆេះពោះរងរបួសធ្ងន់
28-November-2017 | ដោយ ពលមនសិការ
បន្ទាយមានជ័យ ៖ ជាងផ្សារដែកគ្រោងដំបូលផ្ទះ ឆក់ខ្សែភ្លើងជាប់និងដំបូលផ្ទះបណ្តាលឆេះពោះរងរបួសធ្ងន់ដែលកើតឡើងនៅវេលាម៉ោង៩និង៣០នាទី ថ្ងៃទី២៨ ខែវិច្ឆិកា ឆ្នាំ២០១៧ ស្ថិតនៅភូមិខ្លាកូនចាស់ សង្កាត់កំពង់ស្វាយ ក្រុងសិរីសោភ័ណ។
មន្ត្រីនគរបាលមូលដ្ឋានបានឲ្យដឹងថាជនរងគ្រោះមានឈ្មោះ ភូ ភុយ ភេទប្រុស អាយុ៥០ឆ្នាំ (ជាជាងផ្សារដែកគ្រោងដំបូលផ្ទះ) រស់នៅភូមិព្រៃទទឹង ឃុំភ្នំតូច ស្រុកមង្គលបូរី។
យោងតាមឈ្មោះ មឿន សីហា ភេទប្រុស អាយុ៣៨ឆ្នាំ (ជាម្ចាស់ផ្ទះ)បានប្រាប់ថា នៅពេលគ្រោះថ្នាក់កើតឡើងគឺជនរងគ្រោះឈ្មោះ ភូ ភុយ បានផ្សារដែកគ្រោងដំបូលផ្ទះរួមជាមួយជាងប្រមាណជា៤ទៅ៥នាក់ ជាងខ្លះធ្វើនៅផ្នែកខាងក្រោមមានជាងស៊ីម៉ងត៍ និងជាងដែក។
ហើយជនរងគ្រោះបានឡើងផ្សារដែកគ្រោងដំបូលផ្នែកខាងលើហើយពេលធ្វើការបានឆក់គ្រោងដែកដំបូលដែលឆ្លងចរន្តអគ្គីសនីបណ្តាលជនរងគ្រោះឆក់ជាប់និងនៅលើដំបូលហើយឆេះត្រូវបានជាងកាច់គប់ពន្លត់ភ្លើងហើយយកជនរងគ្រោះចុះមកក្រោមរងរបួសធ្ងន់ត្រូវបានសង្គ្រោះបន្ទាន់ទៅកាន់មន្ទីរពេទ្យមិត្តភាពកម្ពុជា-ជប៉ុនមង្គលបូរី។
ក្រោយពេលដែលជនរងគ្រោះឆក់ខ្សែភ្លើងហើយអាជ្ញាធរមូលដ្ឋានបានចុះទៅពិនិត្យមើលឃើញថា៖ជនរងគ្រោះដែលឆក់ខ្សែភ្លើងបណ្តាលរបួសធ្ងន់ធ្ងរដោយខ្សែភ្លើងឆក់ឆេះពោះរបួសធ្ងន់មណ្តាលធ្វើការគ្មានការប្រុងប្រយ័ត្នទើបបណ្តាលគ្រោះថ្នាក់កើតឡើង ៕
ចំនួនអ្នកទស្សនា
- ថ្ងៃនេះ5251
- ម្សិលមិញ10851
- សប្តាហ៍នេះ71771
- ខែនេះ186921
- ឆ្នាំនេះ186921
- សរុប20629377